شڕۆڤه‌كرنا زمانێ سینه‌مایى ب ڕێكا ڤه‌كرنا كۆدێن ته‌كنیكى یێن فیلمێ كوردى (ده‌ربازبوون ژ غوبارێ)
Shorashvan Ahmed, Abdelwahab Moussa
گۆڤارا زانستێن مرۆڤایەتی یا زانكۆیا زاخۆ · 2022
doi:10.26436/hjuoz.2022.10.3.876 (opens in a new tab)
We email you when a new notice or a question about this paper appears.
Abstract
سرۆشتێ مرۆڤى یێ جڤاكى؛ ئه‌و پالدایه كو ل ڕێك و شێوازێن جودا بگه‌ریێت بۆ په‌یوه‌ندیكرن و ده‌ربڕینێ. چ ئه‌و ڕێك یێن زمانى یان نه‌زمانى بن. ئێك ژ ئه‌وان ئامیرێن بۆ ئه‌ڤێ مه‌به‌ستێ هاتییه بكارهینان سینه‌مایه. سینه‌ما ڕۆلێن گرنگ د ژیانا مروڤایه‌تیێدا دگێڕیت. چ ژ لایێ هێزا ناڤه‌رۆكا پێشكێشدكه‌ت یان ئه‌وێ كاریگه‌رییا مه‌زن ئه‌وا ل سه‌ر وه‌رگرى هه‌ى، چونكو ڕه‌نگڤه‌دانا بهایێن جڤاكى د ڕه‌وشه‌نبیرى و شێوازێن ژیانێدا دكه‌ت. گرنگییێ دده‌ته پێدڤیێن خه‌لكى و كه‌یسێن ئه‌وان یێن سه‌ره‌كى و هیڤى، ئارمانج و خه‌ونێن ئه‌وان پێشكێشدكه‌ت. هه‌ولا هاریكرنا ئه‌وان ژ لایێن سۆزدارى، هزرى، ڕه‌وشه‌نبیری....هتدڤه دكه‌ت. ئه‌ڤ ئامیر و ڕێكا جه‌ماوه‌رى بوویه په‌نجه‌ره‌یه‌كا جادوویى كو ئه‌م خۆ و جیهانا ده‌وروبه‌رێ خۆ تێدا ببینین. كوردان ژى ب رێكا سینه‌مایێ شیاینه چه‌ند كه‌یسێن گرێداى ملله‌تێ خۆ ب گشتى و تاكه‌كه‌سان ب تایبه‌ت ژ لایێ ئه‌و كاودان و ڕویدانێن ب سه‌رێ ئه‌وان هاتین باس بكه‌ن. ئه‌ڤ ڤه‌كۆلینه ب ناڤۆنیشانێ "شڕۆڤه‌كرنا زمانێ سینه‌مایى ب ڕێكا ڤه‌كرنا كۆدێن ته‌كنیكى یێن فیلمێ كوردى (ده‌ربازبوون ژ غوبارێ)"، تێدا شڕۆڤه‌كرنا زمانێ سینه‌مایى هاتییه كرن ب ڕێكا ڤه‌كرنا كۆدێن ته‌كنیكى ئه‌وێن د فیلمیدا بكارهاتین. سینه‌ما د زمانێ خۆ یێ تایبه‌تدا پشتبه‌ستنێ ل سه‌ر چه‌ند كۆدە‌كان دكه‌ت، ژ ئه‌وان ژى كۆدێن ته‌كنیكینه. د هه‌ر فیلمه‌كیدا كۆمه‌كا هێمایێن ته‌كنیكى دهێنه بكارهینان بۆ هندێ ئارمانج و واتایا ئه‌وى بهێته دیاركرن. بۆ ئه‌نجامدانا ڤه‌كۆلینێ؛ فیلمێ (ده‌ربازبوون ژ غوبارێ) هاتییه وه‌رگرتن و ب شێوه‌یه‌كێ سیمیۆلۆژى و ل دویڤ مۆدێلا (جۆن فێسك)ى هاتییه شڕۆڤه‌كرن. پشتى ده‌ستنیشانكرنا كۆدێن ته‌كنیكى د هه‌ر گرته‌یه‌كێدا؛ جۆرێن كۆدێن ته‌كنیكى هاتینه ده‌ستنیشانكرن و واتا و ئه‌ركێن ئه‌وان هاتینه دیاركرن.
Abstract licence: CC BY-NC-SA
Reads
Read by people on this page
None yet.
Checked or read by AI through naulon
None yet.
A person counts once a day per paper. We keep no cookie and no address: a reader is a hash that changes every day. Any month under five reads shows no number.
Are you an author?
Is this your paper?
Claim it to add your note and be paid when agents cite it. Free.